AI Платформа на Филозофскиот факултет, Скопје

„AI Училници“ е современа образовна платформа каде што наставата и учењето се унапредени со помош на AI агенти кои персонализирано ги поддржуваат студентите и професорите во секојдневниот образовен процес.

Филозофија

Историја

Педагогија

Класични студии

Историја на уметност и археологија

Социологија

Психологија

Безбедност Одбрана и Мир

Социјална работа и политика

Специјална едукација и рехабилитација

Родови студии

Семејни студии

„AI Платформа на Филозофскиот факултет, Скопје“, има за цел да ги истражи потенцијалите, начините и предизвиците од интеграцијата на вештачката интелигенција (AI) во наставата, учењето и истражувањето во општествените и хуманистичките науки.

Проектот се фокусира на практична примена на AI-алатки (ботови, генератори на содржина) и нивното влијание врз наставната ефикасност, интерактивност и истражувачката продуктивност, особено во дисциплини како филозофија, историја, педагогија и психологија.

Истражувачките прашања опфаќаат:

Перцепција и подготвеност на студентите и наставниот кадар за користење AI

Влијание на обуките врз компетенциите и критичкото разбирање

Етички и методолошки импликации од интеграцијата на технологијата

Проектот користи три модели на интеграција: целосна, делумна и континуирана (преку платформата „AI Академија“), и има за цел да воспостави академска и етичка рамка за одговорна имплементација на AI во високото образование.

Проектот е поддржан од Министерството за образование и наука, а дополнителна поддршка од страна на Ректоратот би овозможила негово пошироко валоризирање и институционално позиционирање.